بابا وحشتنى اوى الكلمة دى
كتير اوى بفكر اقلها تانى
بس اقلها لمين وعشان ايه
انت كنت شخص واحد بس مش هيتكرر تانى
اتعلمت منك كتير اوى
اتعلمت منك حسن نيتك للاخرين
اتعلمت منك المصداقية فى كل شئ
اتعلمت منك ازاى اتعامل مع الناس واحب الناس
اتعلمت منك ادى للى بحبهم ومنتظرش اى شئ منهم
اتعلمت منك قوة التحمل وانى اصبر
مهما قلت مش هقدر اوافى حقك ليا
لان حقك كتير اوى وبيزيد مش بيكتر
فاتت سنة وعدت ايام
وشوقى إليك بيزيد
مشتاقة لنظرة عينيك مشتاقة للمسة ايديك
محتاجة منك لنصيحة من نصايحك
اتعلمت منك كتير وهفضل اتعلم واتعلم عشانك
بحبك وهفضل أحبك
No comments:
Post a Comment