وجاءت لحظة الوداع

وجاءت لحظة الوداع

انا مش عارفه اكتب ايه ولا اكتب ايه هو احساسى

دلوقتى بس انا هقول اللى انا حاسيته

كان احساس فظيع وقت ما جاء يوم الفراق كان اصعب

لحظة فى حياتىيمكن اللحظة دى لو كانت جت

وانا

صغيرة مكنتش حسيت بيها اوى

مكنتش متوقعة انى ممكن اتحرم منه ومكنتش عامله حساب

اليوم

ده

ولا فكرت فيه بس الحمد لله على كل شئ

بس وقت ما جت وقالتلى انه مات مش عارفه ايه اللى جرالى

دموعى وقتها

فى نفس اللحظة منزلتش حسيت انى فى كابوس حسيت انى بحلم

وكان نفسى اصحى من الحلم على انه مش حقيقة اللى حصل

حسيت انهم بيكدبوا عليا

بس انا وقتها زعلت منه اوى ازاى يسبنى بالسهولة

دى وانا مكنتش بسيبه لحظة

كنت بنام تحت رجليه وهو بعد ما رجع من مصر ورجع

بيته وقعدت 5 ايام

تحت رجليه ممكن اكون مبالغة شويه فى موضوع تحت رجليه

بس فعلا انا ملقتش تشبيه غير ده ووقت ما التعب

شد عليه اوى جاله الدكتور وقال لازم يروح

عناية مركزة قلتله هتسبنى يابابا فى العيد قالى هما هيريحونى

فى المستشفى

ومش هحس بتعب تانى وقالى متزعليش وراح المستشفى

على انه هيرجع البيت تانى

ومسلمتش عليه على اساس انه هيرجع تانى

ومرجعش

كان دايما يقلى متسبنيش لوحدى واقعدى جنبى

وكنت بسمع دقاب قلبه كانت دقات صعبة اوى

بس فى عز تعبه اتعلمت منه حاجات كتير

اتعلمت الصبر والتحمل

يمكن اللى انا اتعلمته منه له تأثير عليه دلوقتى

بس هو وحشنى اوىىىىىى

وحشتني اوى يابابا

ووحشتنى كلمة بابا

انى انطقها واقولهالك تانى

وحشتنى ضحكتك وعصبيتك

ووحشتنى نظرة عينيك ليا وتفاخرك بيا ادام الناس

ووحشنتنى الخروج معاك والنصايح اللى كنت بتدهالى اول ما اتعينت

ومحتاجاها جدااااااااااااا

محتاجة اشورك فى امورى

محتاجه منك حاجات كتير ومش عارفه اطولها

محتاجة جدا احساسك بيا وبزعلى

وحشتنىىىىىىىىىىىىى اوى

ياجماعة اى حد مخاصم والده يروح يصالحه

وميزعلوش ابدا

ولو اجى فى يوم وباباك هو اللى زعلك بوس ايده ومتزعلش منه

لانى محتاجاها جدا دلوقتى محتاجه ابوس ايده ويكون راضى عنى

والحمد لله هو كان راض عنى فى كل حاجة

يمكن انا بحكيلكم دلوقتى

ودموعى مش عايزة تقف

بحاول اوقفها مش راضية ابدا

إنا لله وإنا إليه راجعون